• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی: کلفٹن میں پھنسےبحری جہاز کو نکال دیا گیا

افضل ندیم ڈوگر
تازہ ترین
قومی خبریں
07 ستمبر ، 2021


کراچی کے علاقے کلفٹن میں سمندر کے کنارے ریت میں دھنسے بڑے کارگو بحری جہاز کو ڈیڑھ ماہ کی کوششوں کے بعد بالآخر آج صبح نکال لیا گیا ہے، جہاز اب کھلے سمندر میں موجود ہے۔

ذرائع کے مطابق گڈانی شپ بریکنگ کی ایان شپ بریکنگ کمپنی کے عملے نے جہاز کو نکالنے میں مرکزی کردار ادا کیا ہے۔

کمپنی ذرائع کے مطابق آج بھی ٹگ ماسٹر سے ہی شپ کو نکالا گیا ہے مگر روپ دوسری طرح کا استعمال کیا گیا۔

جہاز ریت سے نکل کر دوبارہ ساحل پر پھنس گیا

کراچی میں کلفٹن کے قریب سمندر کے کنارے ریت میں پھنسے بحری ’’جہاز ہینگ ٹونگ 77‘‘ آج کامیابی سے ریت سے نکلنے کے بعد دوبارہ سی ویو ساحل پر پھنس گیا۔

پانامہ میں رجسٹرڈ ’’ہینگ ٹونگ77‘‘ 20 اور 21 جولائی کی رات کراچی بندرگاہ پر جانے کے دوران اینکر ٹوٹ جانے کی وجہ سے کلفٹن کے قریب سمندر کنارے ریت میں دھنس گیا تھا۔

جہاز کو نکالنے کے لیے دو درجن سے زائد کوششیں کی گئیں تاہم ایان شپ بریکنگ کمپنی ذرائع کے مطابق آج کی کوشش کامیاب ثابت ہوئی ہے۔

گزشتہ ماہ جہاز نکالنے کی ایک کوشش میں جہاز پہلے مقام سے ایک کلومیٹر دور ساحل پر دوبارہ پھنس گیا تھا۔

اس صورتحال پر جہاز کے کیپٹن نے سی میکس کمپنی اور کمپنی نے جہاز کیپٹن کو آپریشن ناکام ہونے کا ذمہ دار قرار دیا تھا۔

تازہ ترین