• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میڈیا پر قدغن، ملک بھر کے صحافیوں کا پارلیمنٹ ہاؤس کے باہر دھرنا

تازہ ترین
قومی خبریں
12 ستمبر ، 2021


میڈیا پر قدغن اور پاکستان میڈیا ڈویلپمنٹ اتھارٹی کے خلاف ملک بھر کے صحافیوں نے پارلیمنٹ ہاؤس کے باہر دھرنا دے دیا۔

دھرنے میں شرکت کے لیے صحافیوں اور اپوزیشن رہنماؤں کی بڑی تعداد پہنچی ہے، دھرنا پارلیمنٹ کے مشترکا اجلاس کے دوران بھی جاری رہے گا۔

پی ایف یو جے نے تمام صحافی برادری، سول سوسائٹی، انسانی حقوق کی تنظیموں، مزدور یونینوں، ورکرز ایسوسی ایشنوں، طلبہ گروپوں، ڈیجیٹل حقوق کے علم برداروں اور عام شہریوں سے دھرنے میں بھرپور شرکت کی اپیل کی ہے۔

صحافت آزاد نہ ہو تو شہری آزادی بھی چلی جاتی ہے، شاہد خاقان عباسی

سابق وزیراعظم شاہد خاقان عباسی نے کہا ہے کہ جہاں صحافت آزاد نہیں رہتی وہاں شہری آزادی بھی چلی جاتی ہے۔

پاکستان فیڈرل یونین آف جرنلسٹس دستور نے میڈیا ڈیولپمنٹ اتھارٹی بل صحافیوں کے حقوق اور میڈیا کی آزادی کے خلاف قرار دے دیا۔

پی ایف یو جے دستور نے قانون مسلط کرنے پر ہر سطح پر مزاحمت کرنے اور میڈیا کی آزادی سلب کرنے کی ہر کوشش کو ناکام بنانے کا اعلان کیا ہے۔

پی ایم ڈی اے میڈیا کو کنٹرول کرنے کا ادارہ ہے، شازیہ مری

پیپلز پارٹی کی سینئر رہنما شازیہ مری نے کہا ہے کہ پی ایم ڈی اے میڈیا کو کنٹرول کرنے کا ارادہ ہے۔

پی ڈی ایم میں شامل جماعتیں بھی پارلیمنٹ کے مشترکہ اجلاس کے بائیکاٹ اور صحافیوں کےدھرنے میں شرکت کا اعلان کرچکی ہے۔

تازہ ترین