• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فیک نیوز پر پابندی کا آغاز پی ٹی آئی اور فواد چوہدری سے ہونا چاہیے، رانا ثنا اللّٰہ

تازہ ترین
قومی خبریں
13 ستمبر ، 2021
فیک نیوز پر پابندی کا آغاز پی ٹی آئی اور فواد چوہدری سے ہونا چاہیے، رانا ثنا اللّٰہ

مسلم لیگ (ن) کے سینئر رہنما رانا ثنا اللّٰہ نے کہا ہے کہ جعلی خبروں پر پابندی کی شروعات پی ٹی آئی اور فواد چوہدری سے ہونی چاہیے۔

وفاقی وزیر اطلاعات و نشریات فواد چوہدری کے بیان پر ردعمل میں رانا ثنا اللّٰہ نے کہا کہ فیک نیوز پر پاپندی لگانی ہے تو شروعات پی ٹی آئی اور فواد چوہدری سے ہونی چاہیے۔

انہوں نے مزید کہا کہ عمران خان نیازی اور فواد چوہدری پر میڈیا پر پاپندی لگ جائے تو فیک نیوز کا خاتمہ ہوجائے گا۔

وزیراعظم آزادی رائے یا آزادی صحافت پر قدغن نہیں لگائیں گے، فیصل جاوید

حکومتی سینیٹر فیصل جاوید نے کہا ہے کہ وزیراعظم عمران خان آزادی رائے یا آزادی صحافت پر قدغن نہیں لگائیں گے۔

ن لیگی رہنما نے یہ بھی کہا کہ شہباز شریف نے جو کہنا اور کرنا تھا کردیا، اب آپ اپوزیشن لیڈر کے نام کی گردان کرتے رہیں۔

اُن کا کہنا تھا کہ عمران خان نیازی اور ان کے کارندوں کے مقدر میں شہبازشریف سے حسد کرنا لکھا ہے۔

صحافیوں کے دھرنے میں نواز شریف کے حکم پر آیا ہوں، شہباز شریف

اپوزیشن جماعت مسلم لیگ(ن) کے صدر اور قائد حزب اختلاف شہباز شریف صحافیوں سے اظہار یکجہتی کے دھرنے میں پہنچ گئے۔

رانا ثنا اللّٰہ نے کہا کہ پی ایم ڈی اے کا قانون چھپانے والے میڈیا کی آزادی بھی چوری کرنا چاہتے ہیں۔

تازہ ترین