شوہر عمر شریف کو امریکا لانے کیلئے کوشاں ہیں، ریما خان

ماضی کی فلم اسٹار ریما خان کا کہنا ہے کہ ان کے شوہر ڈاکٹر سید طارق شہاب، عمر شریف کو امریکا لانے اور یہاں علاج معالجے کی سہولتیں دینے کے لیے کوشش کر رہے ہیں۔

انہوں نے انسٹاگرام پر عمر شریف کے نام ایک پوسٹ شیئر کرتے ہوئے کہا کہ ’عمر شریف کا شمار برصغیر کے عظیم مزاح نگاروں میں ہوتا ہے، بلاشبہ وہ ہر دور کے ایک حقیقی لیجنڈ ہیں، ہمیشہ دوسروں کو ہنسانے اور مسکرانے کے لیے سخت محنت کرتے ہیں۔

اداکارہ ریما نے لکھا کہ آج یہ جان کر پریشان ہوں کہ وہ اپنی شدید بیماری کی وجہ سے درد اور تکلیف میں ہیں۔

ریما نے لکھا کہ مجھے اپنے شوہر پر فخر ہے جو عمر شریف کو علاج معالجے کیلئے امریکا لانے کے لیے کوشاں ہیں۔

عمر شریف کو صرف امریکا کے ویزے کی ضرورت ہے، فیصل قریشی

شوبز انڈسٹری کی باصلاحیت اداکار فیصل قریشی نے عمر شریف کے حوالے سے واضح کیا ہے کہ انہیں اس وقت صرف امریکا کا ویزہ چاہئے اور کچھ نہیں۔

اداکارہ نے بتایا کہ ڈاکٹر سید طارق شہاب نے ہائی رسک طریقہ کار کو انجام دینے پر اتفاق کیا ہے اور امریکا منتقل کرنے کے انتظامات میں خاندان کی مدد کر رہے ہیں۔

ریما خان نے کہا کہ میں نے ان سے درخواست کی ہے کہ عمر شریف صاحب کو اس بیماری سے صحت یاب ہونے میں ہر ممکن مدد کریں۔

عمر شریف کا دل کا مرض بگڑ گیا، حالت بدستور خراب

معروف اداکار اور کامیڈین عمر شریف کی حالت بدستور خراب ہے، ڈاکٹروں کے مطابق عمر شریف کے دل کا مرض بہت زیادہ بگڑ گیا ہے۔

انہوں نے اپنے شوہر کا شکریہ ادا کرتے ہوئے کہا کہ اللہ پاک سے دعا کرتی ہوں کہ وہ آپ کے ہاتھ میں شفا دے اور عمر صاحب کو مکمل صحت یاب کرے۔ (آمین)۔