وزیرِ صحت کے جاتے ہی محکمۂ صحت نے کیا کیا؟

لاہور ایکسپو سینٹر میں فائزر ویکسین کی خوراکیں محکمۂ صحت کے حوالے کرنے کی تقریب میں محکمۂ صحت پنجاب نے وزیر صحت پنجاب ڈاکٹر یاسمین راشد کے ساتھ ڈرامے بازی کی، وزیرِ صحت کے جاتے ہی فائزر ویکسین کے کاؤنٹرز ہٹا دیئے گئے۔

محکمۂ صحت پنجاب نے ڈاکٹر یاسمین راشد کے آنے سے پہلے فائزر ویکسین کے فرضی کاؤنٹرز بنا دیئے، کاؤنٹرز پر زائد اسٹاف تعینات کر دیا گیا، بی پی آپریٹس اور سینیاٹائزر کی بوتلیں بھی رکھ دی گئیں۔

وہ مریض ICU میں ہیں جنہیں ویکسین نہیں لگی: وزیر صحت پنجاب

وزیرِ صحت پنجاب ڈاکٹر یاسمین راشد کا کہنا ہے کہ اسپتالوں میں 87 فیصد مریض ویکسین نہ لگنے کی وجہ سے آئے ہیں، آئی سی یو میں بھی وہی مریض ہیں جنہیں ویکسین نہیں لگی۔

وزیرِ صحت کے جاتے ہی کاؤنٹرز سے عملہ غائب ہو گیا جبکہ میزوں پر رکھا سامان بھی اٹھا دیا گیا۔

واضح رہے کہ امریکا کی جانب سے فائزر ویکسین کی 3 لاکھ 20 ہزار 580 خوراکیں محکمۂ صحت پنجاب کے حوالے کرنے کے سلسلے میں تقریب کا انعقاد کیا گیا تھا۔