شیری رحمان کا ملک میں بیروزگاری میں اضافے پر تشویش کا اظہار

نائب صدر پیپلز پارٹی شیری رحمان نے ملک میں بیروزگاری میں اضافے پرتشویش کا اظہار کیا ہے۔

انہوں نے کہا کہ بیروزگاری کی شرح میں اضافہ حکومت کی کارکردگی پر سوالیہ نشان ہے، بیروزگاری کے اعداد وشمار کسی نجی ادارے کے نہیں حکومت کے ہیں۔

مرتضیٰ وہاب کا پیٹرولیم مصنوعات کی قیمتوں سے متعلق اسد عمر کے پُرانے ٹوئٹ پر سوال

ایڈمنسٹریٹر کراچی اور ترجمان سندھ حکومت بیرسٹر...

شیری رحمان نے کہا کہ یہ ایک کروڑ نوکریاں دینے آئے تھے، بیروزگاری اور بدحالی دے رہے ہیں، ادارہ شماریات کے مطابق 2018 میں بیروزگاری کی شرح 5 اعشاریہ 8 فیصد تھی، 2019 میں بیروزگاری کی شرح 6 اعشاریہ 9 فیصد رہی، بیروزگاری کے 2020-21 کے اعداد وشمار مزید خوفناک ہوں گے۔

انہوں نے کہا کہ پنجاب اور خیبرپختونخوا میں بیروزگاری کی شرح سب سے زیادہ ہے، اس حکومت میں نوکریاں صرف وزیراعظم کے دوست احباب کو ملی ہیں۔