• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی: سرجانی میں مبینہ مقابلہ، شہری اور ڈاکو زخمی


کراچی کے علاقے سرجانی ٹاؤن میں ڈاکوؤں کی فائرنگ سے شہری زخمی ہو گیا جبکہ پولیس کے پہنچنے پر ڈاکوؤں اور پولیس میں مقابلہ ہوا جس کے نتیجے میں 1 ڈاکو زخمی حالت میں اسلحے سمیت گرفتار کر لیا گیا اور دوسرا فرار ہو گیا۔

پولیس کے مطابق سرجانی ٹاؤن میں مبینہ پولیس مقابلے کے نتیجے میں ڈاکو زخمی حالت میں گرفتار کر لیا گیا۔

گرفتار ملزم اور اس کا ساتھی شہری سے لوٹ مار کر رہے تھے، مزاحمت پر ملزمان نے فائرنگ کر دی جس سے شہری زخمی ہو گیا۔

فائر کی آواز سن کر گشت پر مامور پولیس پارٹی فوراً موقع پر پہنچ گئی۔

پولیس نے فائرنگ کے تبادلے کے بعد 1 ڈاکو کو زخمی حالت میں اسلحے سمیت گرفتار کر لیا جبکہ دوسرا فرار ہو گیا۔

قومی خبریں سے مزید