• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فرخ حبیب کا شہباز شریف اور بلاول بھٹو زرداری پر دھاندلی پروان چڑھانے کا الزام


وفاقی وزیر مملکت برائے اطلاعات و نشریات فرخ حبیب نے اپوزیشن کی دو بڑی جماعتوں کی قیادت پر دھاندلی کو پروان چڑھانے کا الزام لگادیا۔

فیصل آباد میں میڈیا سے گفتگو میں فرخ حبیب نے مسلم لیگ (ن) کے صدر شہباز شریف اور پیپلز پارٹی کے چیئرمین بلاول بھٹو زرداری پر الزامات لگادیے۔

انہوں نے کہا کہ شہباز شریف اور بلاول بھٹو کو ٹھپہ مافیا راس رہتا ہے، یہ دونوں ہی رہنما دھاندلی کو پروان چڑھانا چاہتے ہیں۔

وزیر مملکت نے مزید کہا کہ ہر انتخابات کے بعد دھاندلی کا شور مچایا جاتا ہے، الیکٹرونک ووٹنگ پر شہباز شریف اور بلاول بھٹو کے اعتراض میں کوئی جان نہیں۔

اُن کا کہنا تھا کہ الیکشن کمیشن آف پاکستان (ای سی پی) شفاف انتخابات کے لیے اپنا کردار ادا کرے۔

فرخ حبیب نے یہ بھی کہا کہ کنٹونمنٹ انتخابات میں پی ٹی آئی ملک کی سب سے بڑی جماعت بن کر سامنے آئی ہے۔

انہوں نے کہا کہ ان انتخابات میں پیپلز پارٹی اور ن لیگ محدود ہو کر ریجن کی سطح کی رہ چکی ہیں۔

وزیر مملکت نے کہا کہ فارن فنڈنگ کے لیے پی ٹی آئی نے ریکارڈ دے دیا ہے، ن لیگ اور پی پی اپنا ریکارڈ لائیں۔

قومی خبریں سے مزید