خواتین کو شوہر کی دوسری شادی کا خوف ہونا چاہیے: منیب بٹ

پاکستان ڈرامہ انڈسٹری کے معروف اداکار منیب بٹ نے کہا ہے کہ خواتین کو اپنے شوہر کی دوسری شادی کا خوف رکھتے ہوئے شوہر کو زیادہ سے زیادہ محبت اور توجہ دینی چاہیے۔

حال ہی میں منیب بٹ نے ندا یاسر کے مارننگ شو میں شرکت کی، شو کے دوران میزبان ندا یاسر نے منیب بٹ سے ان کے خوف اور فوبیا کے بارے میں پوچھا جس پر اداکار نے ندا یاسر سے ہی سوال کرلیا کہ آپ ہمیں بتائیں کہ آپ کو سب سے زیادہ خوف کس بات کا ہوتا ہے؟

منیب بٹ کے پوچھنے پر ندا یاسر نے کہا کہ ’مجھے ہر وقت اپنے شوہر کی دوسری شادی کا خوف رہتا ہے۔‘

میں گرل فرینڈ/ بوائے فرینڈ والے رشتے کیخلاف ہوں: منیب بٹ

پاکستان شوبز انڈسٹری کے معروف اداکار منیب بٹ نے کہا ہے کہ وہ گرل فرینڈ اور بوائے فرینڈ والے رشتے کے سخت خلاف ہیں، اگر آپ کسی کو پسند کرتے ہیں تو اس کے گھر رشتہ بھیج کر بات پکّی کریں۔

ندا یاسر کے جواب پر ردّعمل دیتے ہوئے منیب بٹ نے کہا کہ ’یہ ڈر تو ہونا چاہیے، یہ ڈر تو ہر خاتون میں ہونا چاہیے تاکہ اس خوف سے وہ اپنے شوہر کا زیادہ سے زیادہ خیال رکھ سکے۔‘

منیب بٹ نے مزید کہا کہ ’خواتین کو اپنے شوہر کاخیال رکھنا چاہیے اور اُنہیں اتنی محبت دینی چاہیے کہ وہ دوسری شادی کے بارے میں سوچ ہی نہ سکیں۔‘

واضح رہے کہ 29 سالہ منیب بٹ کی شادی 2018ء میں 22 سالہ ایمن خان سے ہوئی تھی اور اس جوڑی کی ایک بیٹی بھی ہے۔