روس سے دفاعی نظام S-400 کی دوسری کھیپ خریدنے کا ارادہ ہے، ترک صدر

ترک صدر رجب طیب اردوان کا کہنا ہے کہ روس سے دفاعی نظام ایس 400 کی دوسری کھیپ خریدنے کا ارادہ ہے۔

امریکی میڈیا کو انٹرویو دیتے ہوئے ترک صدر نے کہا کہ ترکی جو دفاعی نظام خریدے گا اس میں کوئی مداخلت نہیں کرسکتا۔

یہ نہیں کہہ سکتا کہ ترکی امریکا کے تعلقات بہتر چل رہے ہیں، ترک صدر

ترک صدر نے کہا کہ امریکا کو پہلے اس معاملے کو حل کرنے کی ضرورت ہے، واشنگٹن نے مدد نہ کی تو انقرہ دفاعی ضروریات کہیں اور سے پوری کرے گا۔

رجب طیب اردوان نے کہا کہ دفاعی نظام کی خریداری سے متعلق فیصلے کرنے والے ہم ہیں۔

ترک صدر کو اگلے ہفتے روس کے دورے میں صدر پیوٹن سے ملاقات کرنی ہے۔