طالبان کی کارروائیوں سے متعلق حکم نامہ جاری

افغانستان کے دارالحکومت کابل میں طالبان کی کارروائیوں سے متعلق امارتِ اسلامیہ نے اہم حکم نامہ جاری کر دیا۔

حکم نامہ عبوری وزیرِ اعظم محمد حسن اخوند کے نام سے جاری کیا گیا ہے۔

کابل انتظامیہ کا اب کوئی وجود نہیں رہا: سہیل شاہین

طالبان سیاسی دفتر کے ترجمان سہیل شاہین کا کہنا ہے کہ کابل انتظامیہ کا اب کوئی وجود نہیں رہا۔

امارتِ اسلامیہ کے جاری کیئے گئے حکم نامے میں کہا گیا ہے کہ بغیر اجازت کسی کے گھر یا کاروباری مرکز میں داخل ہونے کی اجازت نہیں ہو گی۔

حکم نامے میں مزید کہا گیا ہے کہ کسی کے گھر یا کاروباری مرکز سے کوئی بھی سامان نہ اٹھایا جائے۔

امریکا ڈرون طیاروں سے فضائی حدود کی خلاف ورزی کر رہا ہے: ذبیح اللّٰہ مجاہد

افغانستان کے نائب وزیرِ اطلاعات و ثقافت ذبیح اللّٰہ مجاہد کا کہنا ہے کہ امریکا ڈرون طیاروں سے افغان فضائی حدود کی خلاف ورزی کر رہا ہے۔

حکم نامے میں یہ بھی کہا گیا ہے کہ کسی کو اجازت نہیں ہے کہ وہ سامان کے بہانے گھروں اور کمپنیوں کی تلاشی لے۔