برطانوی شاہی خاندان سے علیحدگی اختیار کرنے والے شہزادہ ہیری کی اہلیہ میگھن مارکل نے بدھ کے روز امریکی کانگریس کو تنخواہ کے ساتھ چھٹیوں کی فراہمی کے لیے ایک خط لکھا ہے جس پر امریکا اور برطانیہ کے سفارتکاروں سے معاملے میں مداخلت کرنے کی بھی اپیل کی ہے۔
بین الاقوامی میڈیا رپورٹ کے مطابق میگھن مارکل کے ایوان کی اسپیکر نینسی پلوسی اور سینیٹ کےمیجورٹی لیڈر چارلس شمر کو ایک خط بھیجنے کے بعد صحافی پیٹر ایلن نے امریکا اور برطانیہ کے سفارتکاروں سے مطالبہ کیا ہے کہ وہ اس معاملےمیں مداخلت کریں۔
ڈچز آف سسیکس نے امریکی کانگریس سے مطالبہ کیا کہ وہ تنخواہ کے ساتھ چھٹیاں (Paid family leave) فراہم کرے۔
پیٹر ایلن نے سوشل میڈیا پر اس خط پر رد عمل ظاہر کرتے ہوئے لکھا کہ ’پہلی بار برطانوی شاہی لقب ایک جمہورت میں سیاستدانوں کی لابنگ کرنے کے لیے استعمال کیا گیا ہے جس نے 1776 میں پر تشدد انقلاب کے ذریعے تاج برطانیہ سے آزادی حاصل کی؟‘
انہوں نے مزید لکھا کہ ’برٹش رائلٹی کی امریکی فرنچائز واضح طور پر کنٹرول سے باہر ہوگئی ہے تو اب دونوں ممالک کے سفارتکاروں کے اس معاملے میں مداخلت کا وقت ہے۔‘