ایڈمنسٹریٹر کراچی مرتضیٰ وہاب کی مقامی لوگوں کے ساتھ کرکٹ اور فٹبال کھیلتے ویڈیو سوشل میڈیا پر زیرگردش ہے۔
سوشل میڈیا پر وائرل ویڈیو میں دیکھا جاسکتا ہے کہ مرتضیٰ وہاب ماسک لگائے ، سر پر سندھی ٹوپی پہنے کراچی کے گزری گراؤنڈ میں پہلے فٹبال کو زوردار کِک مارتے ہیں۔
بعد ازاں وہ بلّا پکڑ کر شاندار بیٹنگ کا مظاہرہ بھی کرتے ہیں، اُن کے زور دار شاٹ پر وہاں موجود لوگ تالیاں بھی بجاتے ہیں۔
مرتضیٰ وہاب نے اپنی اس ویڈیو پر تبصرہ کرتے ہوئے کہا کہ ’اسپورٹس کو میں آج بھی مِس کرتا ہوں۔‘