پنجاب کے شہر لاہور کے انار کلی بازار میں بم دھماکے کے بعد بعض افراد زخمیوں کو اٹھانے کے بجائے انعامی بانڈز لوٹتے رہے۔
گزشتہ روز لاہور کے انار کلی بازار میں ہونے والے دھماکے میں ایک بچے سمیت 3 افراد جاں بحق اور متعدد زخمی ہو ئے تھے۔
بم دھماکے کے بعد بعض افراد زخمیوں کو اٹھانے کے بجائے انعامی بانڈز لوٹتے رہے۔
دھماکے کے فوری بعد کی ویڈیو میں دیکھا جاسکتا ہے کہ 2 افراد ایک دکان کے کاؤنٹر سے بانڈز لوٹ رہے ہیں۔
دھماکے کے بعد لوٹ مار کی ایک اور ویڈیو بھی سامنے آئی ہے جس میں دیکھا جا سکتا ہے کہ کچھ افراد دھماکے کے بعد سڑک پر بکھرے بانڈز اٹھا رہے ہیں جن میں ایک خاتون بھی شامل ہیں۔
واضح رہے کہ پرائز بانڈ کی دکان کا مالک بھی دھماکے کے زخمیوں میں شامل ہے۔