سابق وزیراعظم اور چیئرمین پی ٹی آئی عمران خان نے آئندہ جلسوں کے لیے کارکنوں سے ڈیمانڈ کرتے ہوئے سوشل میڈیا پر پیغام جاری کردیا۔
وزارتِ عظمیٰ سے فارغ ہونے کے بعد ان دنوں عمران خان حکومت مخالف جلسے کررہے ہیں۔
اب پاکستان تحریک انصاف کے تصدیق شدہ انسٹاگرام اکاؤنٹ پر کارکنان کے لیے خصوصی پیغام جاری کیا گیا ہے۔
عمران خان نے بیان میں پی ٹی آئی کارکنان کو ہدایت کی کہ ’آئندہ جلسوں میں مجھے تحریک انصاف سے زیادہ پاکستان کے جھنڈے نظر آنے چاہئیں۔‘
واضح رہے کہ ملک کے مختلف شہروں میں پاکستان تحریک انصاف کے جلسے کیے جارہے ہیں۔
ان جلسوں کے بعد، عمران خان آزادی مارچ کی تاریخ کا اعلان کریں گے۔