حال ہی میں ننھی پری کی والدہ بننے والی معروف ماڈل صدف کنول نے نوریح اور اپنی نومولود بیٹی کی ویڈیو سوشل میڈیا پر شیئر کردی۔
صدف کنول نے فوٹو اینڈ ویڈیو شیئرنگ ایپ انسٹاگرام پر دو ویڈیوز شیئر کیں جن میں اُن کی نومولود بیٹی بیڈ پر لیٹی ہے اور نوریح اپنی چھوٹی بہن کے ساتھ کھیل رہی ہے۔
ویڈیو میں دیکھا جاسکتا ہے کہ سائرہ یوسف کی بیٹی نوریح محبت بھری نظروں سے اپنی چھوٹی بہن کو دیکھتی ہے اور پھر کہتی ہے کہ یہ بہت کیوٹ ہے۔
دوسری جانب صدف کنول کی نومولود بیٹی بھی نوریح کو دیکھ کر ہاتھ پاؤں ہلا کر خوش ہوتی ہے۔
صدف کنول نے ویڈیو کے کیپشن میں لکھا ’بہنوں کا خاص رشتہ‘۔
ویڈیو پر جہاں شوبز شخصیات کی جانب سے محبت بھرے تبصرے کیے جارہے ہیں تو وہیں صارفین بھی صدف کنول اور سائرہ یوسف کی بیٹیوں کی محبت دیکھ کر بہت خوش ہو رہے ہیں۔
واضح رہے کہ حال ہی میں شہروز سبزواری اور صدف کنول کے ہاں پہلی اولاد، بیٹی پیدا ہوئی، اس جوڑی نے اپنی بیٹی کا نام ’سیدہ زہرا سبزواری‘ رکھا ہے۔