جاپان میں پولیس نے ایک شخص کو خواتین کے 360 رین کوٹ (بارشوں میں استعمال کی جانے والی برساتی) چرانے پر گرفتار کرلیا۔
اس حوالے سے بتایا گیا ہے کہ اوساکا سے حال ہی میں گرفتار ہونے والا51 سالہ یہ شخص خواتین کے رین کوٹ کو دیوانگی کی حد تک پسندکرتا تھا اور صرف اسے ہی چراتا، اس لیے مقامی طور پر یہ ’رین کوٹ مین‘ کے نام سے معروف ہے۔
اس نے گزشتہ 13 برسوں کے دوران 360 رین کوٹ چوری کیے۔ حکام کو اس پراسرار چور کو تلاش کرنے کی اپنی کوشش میں ایک عشرے سے زیادہ وقت لگا۔
پولیس نے جب اس کے گھر کی تلاشی لی تو انہیں وہاں سے 360 رین کوٹ ملے جن میں سب سے پرانا کوٹ 2009 میں چوری کیا گیا تھا۔