وزیرِ اعظم کی ہدایت پر سعد رفیق نے CAA کے 4 افسران معطل کر دیے

October 08, 2022

وزیرِ اعظم شہباز شریف کی ہدایت پر وزیرِ ہوا بازی خواجہ سعد رفیق نے ایکشن لیتے ہوئے اسلام آباد انٹرنیشنل ایئرپورٹ پر تعینات سی اے اے کے 4 اعلیٰ افسران کو ہٹا دیا۔

نوٹیفکیشن کے مطابق ایئرپورٹ منیجر عدنان خان کو معطل کیا گیا ہے جبکہ اقتدار حیدر سے ڈپٹی ایئرپورٹ منیجر اسلام آباد ایئرپورٹ کا چارج لے لیا گیا ہے۔

نوٹیفکیشن میں کہا گیا ہے کہ ڈیوٹی ٹرمینل منیجر حق نواز کو بھی ہٹا دیا گیا ہے، سروسز اسسٹنٹ حبیب خان کو تبدیل کرکے پشاور ایئرپورٹ پر تعینات کر دیا گیا ہے۔

نوٹیفکیشن میں بتایا گیا ہے کہ نذیر احمد خان کو دو ہفتے کے لیے منیجر اسلام آباد ایئرپورٹ کا چارج دیا گیا ہے۔