آگئی عید…

August 19, 2018
 

درد یاد آتے ہیں رہ رہ کر پُرانے مولا

عید کیوں آتی ہے مفلس کو ستانے مولا

لوٹ کر آئے نہیں مجھ سے بچھڑنے والے

آ گئی عید تِری مجھ کو رلانے مولا

چھین لی تُو نے مِری روشنیِ قلب و نظر

کس کے گھر جائوں گا اب عید منانے مولا

دِل کے آنگن میں نہ میلا ہے، نہ رونق ہے کہیں

ایسے ویرانے میں کون آئے بلانے مولا

دَم گھٹا جاتا ہے شہزاد سرِ شام مرا

کیسے لگتے ہیں کلیجے پہ نشانے مولا

(آصف شہزاد، فیصل آباد)


مکمل خبر پڑھیں