کراچی(اسٹاف رپورٹر) صوبائی وزیر برائے صنعت و تجارت اور امداد باہمی و انسداد بدعنوانی جام اکراماللّٰہ دھاریجو نے کہا ہے کہ حکومت سندھ صنعتکاروں کے مسائل کے لئے حل کے لئے سنجیدہ ہے، صنعتی زونز میں قائم تجاوزات کا خاتمہ ہر صورت کیا جائے گا اور قبضہ مافیا کے خلاف سخت آپریشن کیا جائے گا، یہ بات انہوں نے جمعرات کو اپنے دفتر میں سائٹ سپر ہائی وے ایسوسی ائشن آف انڈسٹری کراچی کے وفد سے ملاقات کرتے ہوئے کہی، اس موقع پر سائیٹ سپر ہا ئی وے ایسوسی ایشن آف انڈسٹری کراچی کے صدر شاہین الیاس سروانہ ، عامر حسن لاری نائب صدراور دیگر نے شرکت کی۔