• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آریان خان کی درخواستِِ ضمانت پر سماعت: شاہ رخ خان کے مداح ’منت‘ کے باہر جمع

تازہ ترین
انٹرٹینمنٹ
20 اکتوبر ، 2021


ممبئی کروز شِپ منشیات کیس میں آریان خان کی درخواستِِ ضمانت کی سماعت سے قبل بالی ووڈ کنگ شاہ رخ خان کے مداح اُن کی رہائش گاہ ’منت‘ کے باہر جمع ہوگئے۔

بالی ووڈ اداکار شاہ رخ خان کے بیٹے آریان خان اور ممبئی کروز شِپ منشیات کیس کے دیگر ملزمان کو ان کی درخواستِ ضمانت کی سماعت کے لیے آج عدالت میں پیش کیا جائے گا۔ 

بھارتی میڈیا رپورٹس کے مطابق آریان خان درخواستِ ضمانت کی سماعت سے قبل شاہ رخ خان کے مداح اُن کو سپورٹ کرنے کے لیے اُن کی رہائش گار ’منت‘ کے باہر جمع ہونا شروع ہوگئے ہیں۔

منشیات کیس: عدالت میں آریان خان اور ساتھی اداکارہ کی واٹس ایپ چیٹس پیش

نارکوٹکس کنٹرول بیورو (این سی بی) نے ممبئی کروز شِپ منشیات کیس میں آریان خان کی اپنی آنے والی فلم کی ساتھی اداکارہ کے ساتھ منشیات کے حوالے سے کی جانے والی واٹس ایپ چیٹ عدالت میں پیش کردی۔

 شاہ رخ خان کی رہائش گاہ ’منت‘ کے باہر اُن کے مداحوں کو دیکھا جاسکتا ہے جن کے ہاتھ میں پلے کارڈز موجود ہیں جس پر انگریزی زبان میں درج ہے کہ ’آریان خان کو رہائی دی جائے۔‘

واضح رہے کہ آج ممبئی کی ایک خصوصی عدالت آریان خان کی ضمانت کی درخواست پر سماعت کرے گی جبکہ عدالت نے گزشتہ ہفتے اپنا فیصلہ محفوظ کیا تھا۔

بھارت کے انسداد منشیات ادارے نارکوٹکس کنٹرول بیورو (این سی بی) نے ممبئی کے ساحل پر 3 اکتوبر کو ایک کروز شپ پر پارٹی کے دوران چھاپہ مار کر شاہ رخ خان کے بیٹے آریان خان کو گرفتار کیا تھا۔

شاہ رخ خان کے تینوں بچوں کی چند ’کینڈڈ‘ تصاویر

بالی ووڈ کنگ شاہ رخ خان کے بچے آریان خان، سُہانا خان ، اور ابرام خان سوشل میڈیا پر یکساں طور پر مقبول ہیں جبکہ ابرام ایک چھوٹا بچہ تھا تب سے ہی پاپرازی کا پسندیدہ رہا ہے، سوشل میڈیا پر آریان خان اور سہانا خان کی تصاویر کچھ ہی دیر میں وائرل ہو جاتی ہیں اور صارفین کی توجہ کا مرکز بنتی ہیں۔

شاہ رخ خان کے بیٹے آریان خان اپنے اوپر لگائے جانے والے الزامات کی پہلے تردید کرتے رہے تاہم انہوں نے بعد میں اعتراف جرم کرلیا تھا۔

تازہ ترین