فرمان الہی
نماز کے اوقات
کیا عوام کی دہائیاں اور اپوزیشن کا دباؤ کام کرگیا؟ وزیراعظم عمران خان نے غریبوں کے لیے پٹرول سستا کرنے کا فیصلہ کرلیا۔
وزیراعظم عمران خان کی زیرصدارت تحریک انصاف کی کور کمیٹی کا اجلاس ہوا ،جس میں مہنگائی پر قابو پانے سے متعلق کئی اہم فیصلے کیے گئے۔
کور کمیٹی کے اجلاس میں مشیر خزانہ شوکت ترین نے ویڈیو لنک کے ذریعے شرکت کی جبکہ ڈاکٹر ثانیہ نشتر نے اجلاس کے شرکاء کو احساس ٹارگٹڈ سبسڈی پروگرام پر بریفنگ دی۔
اجلاس کے اعلامیے کے مطابق وزیراعظم عمران خان نے ٹارگٹڈ سبسڈی پروگرام کو حتمی شکل دینے کی ہدایت کی۔
اجلاس میں فیصلہ کیا گیا کہ مستحق افراد کو یوٹیلیٹی اسٹورز پر مزید رعایت ملے گی، یہ سب کیسے ہوگا؟ وزیراعظم نے پلان مانگ لیا۔
پی ٹی آئی کور کمیٹی کے اجلاس میں آٹا، چینی، گھی، کوکنگ آئل اور دالوں کی قیمتیں قابو میں رکھنے کا فیصلہ بھی ہوگیا۔
اجلاس کے اعلامیے کے مطابق ٹارگٹڈ سبسڈی پروگرام وفاق اور صوبائی حکومتوں کی مشترکہ مالی معاونت سے شروع ہوگا، ٹارگیٹڈ سبسڈی پر پنجاب اور خیبر پختونخوا نے پہلے سے دلچسپی کا اظہار کیا ہے۔
اعلامیے کے مطابق ٹارگٹڈ سبسڈی پر سندھ اور بلوچستان سے بات چیت جاری ہے، غریبوں کےلیے سہولتوں کا اعلان جلد کیا جائے گا۔
اجلاس کے اعلامیے کے مطابق پرسوں تک سستے پٹرول کا منصوبہ بھی آجائے گا، موٹرسائیکل اور رکشا والوں کو بطورخاص فائدہ ہوگا۔
اجلاس سے خطاب میں وزیراعظم عمران خان نے کہا کہ عوام پر مہنگائی کے اثرات کا احساس ہے، صحت، کسان کارڈ اور احساس پروگرام بڑھارہے ہیں۔
