• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جام کمال کیخلاف تحریک عدم اعتماد کی ثنا اللّٰہ زہری نے حمایت کردی

تازہ ترین
قومی خبریں
23 اکتوبر ، 2021
جام کمال کیخلاف تحریک عدم اعتماد کی ثنا اللّٰہ زہری نے حمایت کردی

پیپلز پارٹی کے رکن اسمبلی نواب ثنا اللّٰہ زہری نے جام کمال کے خلاف تحریک عدم اعتماد کی حمایت کردی۔

کوئٹہ میں پریس کانفرنس کے دوران ثنا اللّٰہ زہری نے وزیراعلیٰ بلوچستان جام کمال کے خلاف اُن ہی کی جماعت بی اے پی کے ناراض اور اپوزیشن ارکان کی تحریک کی حمایت کردی۔

انہوں نے کہا کہ یہاں ناراض اور اپوزیشن کے 40 اراکین بیٹھے ہوئے ہیں، اب جام کمال خان کو استعفیٰ دے کر گھر چلے جانا چاہیے۔

لاپتہ خواتین اراکین کیلئے آواز اٹھانا میرا فرض تھا، عبدالقدوس بزنجو

اسپیکر بلوچستان اسمبلی عبدالقدوس بزنجو نے کہا ہے کہ میرا فرض تھا کہ میں خواتین اراکین اسمبلی کے لاپتہ ہونے پر آواز اٹھاؤں۔

پی پی رہنما نے مزید کہا کہ جام کمال پر ایوان کا اعتماد نہیں رہا، اُنہیں گھر چلے جانا چاہیے۔

اُن کا کہنا تھا کہ میں وزیر اعلیٰ تھا، دوست میرے خلاف ہوگئے تو میں نے استعفیٰ دے دیا تھا، میں نے بطور وزیراعلیٰ استعفیٰ دیا تو مجھ پر کیا فرق پڑا۔

آپ نے جام کمال کیخلاف ووٹ دینا ہے، ظہور بلیدی کا پارٹی ارکان سے مطالبہ

بلوچستان کی حکمران جماعت (بی اے پی) کے قائمقام صدر ظہور احمد بلیدی نے پارٹی کے اراکین کو جام کمال کے خلاف ووٹ دینے کےلیے مراسلہ جاری کیا ہے۔

نواب ثنا اللّٰہ زہری نے یہ بھی کہا کہ بلوچستان میں ماضی میں بھی وزراء اعلیٰ استعفیٰ دے کر گھر جاچکے ہیں۔

تازہ ترین