آبدوز معاہدے کی منسوخی سے اعتماد کا رشتہ ٹوٹا، آسٹریلیا ٹھوس اقدام کرے، فرانس

آبدوز تنازع کے بعد فرانس اور آسٹریلیا کے رہنماؤں کے درمیان پہلی بات چیت ہوئی ہے۔

خبر ایجنسی کے مطابق فرانسیسی صدر نے آسٹریلیا کے وزیراعظم سے آج فون پر بات کی۔

فرانسیسی صدارتی محل کے مطابق فرانسیسی صدر نے اپنے اس موقف کا اعادہ کیا کہ آبدوز معاہدے کی منسوخی سے اعتماد کا رشتہ ٹوٹ گیا۔

فرانسیسی صدارتی دفتر کے بیان میں مزید کہا گیا ہے کہ آسٹریلوی حکومت پر منحصر ہے کہ وہ تعلقات کی بنیادوں کو نئے سرے سے متعین کرنے کیلئے ٹھوس اقدام کرے۔

ادھر خبر ایجنسی نے بتایا ہے کہ گزشتہ ماہ آسٹریلیا نے فرانس سے آبدوزوں کی خریداری کا معاہدہ ختم کر دیا تھا۔