اومی کرون کے پھیلاؤ کاخدشہ: مختلف ممالک میں سفری پابندی

عالمی وباء کورونا وائرس کی نئی قسم ’اومی کرون‘ کے پھیلاؤ کے خدشے کے پیش نظر جاپان نے تمام غیرملکیوں کے ملک آنے پر پابندی عائد کردی۔

خبر ایجنسی کے مطابق پابندی کا اطلاق آج رات سے دنیا بھر کے شہریوں پر ہوگا جبکہ صرف جاپانی اور جاپان میں مستقل رہائش پذیر غیرملکی پابندی سے مستثنیٰ ہوں گے۔

ویکسین بنانے والی کمپنیاں ’اومی کرون‘ کیخلاف موثریت جانچنے کیلئے فعال

عالمی وباء کورونا وائرس کی نہیں قسم ’اومی کرون‘ کے خلاف ویکسین بنانے والی کمپنیاں بھی موثریت جانچنے کیلئے فعال ہوگئیں

جاپانی اور جاپان میں مقیم غیر ملکی شہریوں کو جاپان واپسی کی صورت میں 10روزہ قرنطینہ کرنا ہوگا۔

دوسری جانب امریکی میڈیا کا کہنا ہے کہ تائیوان نے جنوبی افریقا سمیت 6 افریقی ممالک پر سفری پابندیاں عائد کردی ہیں۔

کورونا کی نئی قسم ’اومی کرون‘ بہت تیزی سے پھیلتی ہے، پی ایم اے

جنوبی افریقہ سے پھیلنے والی یہ قسم اب لوگوں کے ذریعے دنیا کے دیگر حصوں میں پھیل رہی ہے۔

تائیوان کے میڈیا کے مطابق پچھلے 14 دنوں میں جنوبی افریقا سمیت 6 ممالک کا سفر کرنے والوں کو 14روزہ قرنطینہ کرنا ہوگا۔

امریکی میڈیا کا کہنا ہے کہ ہانگ کانگ نے بھی جنوبی افریقا سمیت 8 افریقی ممالک پر سفری پابندیاں عائد کردی ہیں۔