ارکان پارلیمان میں سے کس کس نے آمدن بتائی نہ ہی ٹیکس دیا؟

فیڈرل بورڈ آف ریونیو (ایف بی آر) کی ٹیکس ڈائریکٹری میں ایسے ارکان پارلیمنٹ کے نام بھی سامنے آئے ہیں جو زیرو ٹیکس دہندگان ہیں۔

سال 2019ء میں اپنے آمدن اور اثاثے ظاہر نہ کرنے اور ٹیکس نہ دینے والے ارکان پارلیمنٹ کی فہرست میں ایک سابق وزیراعظم بھی شامل ہیں۔

ایوان اقتدار میں بیٹھ کر عوام کے فیصلے کرنے والے کئی نمائندے ٹیکس نہیں دیتے ہیں، ان میں حکومتی اور اپوزیشن ارکان شامل ہیں۔

ٹیکس کلچر کی شروعات پارلیمنٹرینز سے ہونی چاہیے، شوکت ترین

وزیر خزانہ شوکت ترین نے سال 2019ء کی پارلیمنٹرینز ٹیکس ڈائریکٹری کا افتتاح کردیا ہے ۔

ایف بی آر کی ٹیکس ڈائریکٹری میں صفر ٹیکس دینے والے ارکان پارلیمنٹ میں سابق وزیراعظم سید یوسف رضا گیلانی کا نام بھی شامل ہیں، جو اس وقت سینیٹ میں اپوزیشن لیڈر ہیں۔

فہرست کے مطابق زیر ٹیکس دہندگان میں سابق وزیراعظم اور سینیٹر یوسف رضا گیلانی، سینیٹر پلوشہ خان، سینیٹر ہدایت اللّٰہ خان، سینیٹر فیصل سلیم رحمان، سینیٹر نسیمہ احسان، سینیٹر پرنس احمد عمر احمد زئی، سینیٹر قراۃ العین مری، سینیٹر رانا مقبول احمد اور سینیٹر سیف اللّٰہ ابڑو ہیں۔

زیادہ ٹیکس ادائیگی: PTI رکن پارلیمنٹ نے سب سیاستدانوں کو پیچھے چھوڑ دیا

حکمران جماعت تحریک انصاف (پی ٹی آئی) کے ایک رکن پارلیمنٹ نے آمدن اور ٹیکس ادائیگی میں وزیراعظم عمران خان کو بہت پیچھے چھوڑ گیا۔

رپورٹ کے مطابق ارکان قومی اسمبلی میں عبدالشکور کمال الدین، منصور حیات خان ،نیاز احمد جکھڑو اور سیف الرحمان زیر ٹیکس دہندگان میں شامل ہیں۔

ٹیکس ڈائریکٹری کے مطابق رکن قومی اسمبلی سلیم الرحمان، فرخ خان، پیر امیر علی شاہ جیلانی اور سردار محمد خان لغار ی بھی زیرو ٹیکس دہندگان ہیں۔