پریانکا چوپڑا بچے کی خواہشمند

عالمی شہرت یافتہ بھارتی اداکارہ پریانکا چوپڑا نے اپنے حالیہ انٹرویو میں شوہر، امریکی گلوکار نِک جونس کے ساتھ دیکھے خوابوں کے بارے میں بات کی ہے۔

پریانکا چوپڑا نے اپنے حالیہ انٹرویو میں اپنے شوہر، نک جونس کے ساتھ اپنے خاندان کو آگے بڑھانے کے اپنے منصوبے کو اپنے خوابوں کا سب سے بڑا اور خوبصورت حصّہ قرار دیا ہے۔

اُنہوں نے کہا کہ’ اپنے شوہر کے ساتھ خاندان کو آگے بڑھانا چاہتی ہیں، اُن کی خواہش ہے کہ اُن کے بچے ہوں‘۔

اُنہوں نے مزید کہا کہ’ لیکن یہ سب بھی جب ہوتا ہے،خدا کے فضل سے ہوتا ہے‘۔

طلاق کی افواہیں، پریانکا اور نِک نے مداحوں کی غلط فہمی دور کردی

بالی ووڈ سمیت ہالی ووڈ میں بھی اپنے ٹیلنٹ کا لوہا منوانے والی بھارتی اداکارہ پریانکا چوپڑا اور اُن کے شوہر و امریکی گلوکار نِک جونس نے طلاق کی خبروں کی وجہ سے پریشان مداحوں کی غلط فہمی دور کردی۔

اداکارہ سے انٹرویو کے دوران جب ان سے یہ پوچھا گیا کہ کیا وہ اور نک بچوں کی پرورش کو اپنے کیریئر پر ترجیح دینے کے لیے تیار ہیں؟‘

پریانکا چوپڑا نے اس سوال کا جواب دیتے ہوئے کہا کہ ’اُن دونوں کو ایسا کرنے میں کوئی مسئلہ نہیں ہے‘۔

اداکارہ کا سوشل میڈیا پر اپنا نام تبدیل کرنے پر سامنے آنے والے عوام کے ردِ عمل پر کہنا تھا کہ ’اُنہیں یہ سب دیکھ کر بہت ہی برا محسوس ہوا‘۔