محب مرزا کے والد انتقال کرگئے

19 جنوری ، 2022

پاکستان فلم و ٹی وی انڈسٹری کے معروف اداکار محب مرزا کے والد انتقال کرگئے جس کی اطلاع اُنہوں نے اپنے سوشل میڈیا پیغام میں دی۔

فوٹو اینڈ ویڈیو شیئرنگ ایپ انسٹاگرام پر محب مرزا نے اپنے مرحوم والد اور والدہ کی تصویر شیئر کی ہے جس کے ساتھ اُنہوں نے ایک طویل کیپشن بھی لکھا۔

محب مرزا نے لکھا کہ ’عام طور پر میں کوشش کرتا ہوں کہ اپنی ذاتی زندگی کو سوشل میڈیا پر شیئر نہ کروں لیکن میں چاہتا ہوں کہ دنیا اس آدمی کے بارے میں جانے۔‘

اداکار نے لکھا کہ ’میرے والد محسن مرزا، سب سے مہربان اور سب سے زیادہ فیاض انسان جنہیں میں جانتا ہوں۔ اگرچہ اُنہوں نے قانون کی تعلیم حاصل کی اور ایچ آر میں خدمات انجام دیں لیکن ’فن‘ ان کے خون میں دوڑتا رہا۔‘

اپنے والد کے بارے میں محب مرزا نے یہ بھی لکھا کہ ’ایک مصور شاعر جو گانا جانتا تھا اور اپنے دلچسپ ون لائنرز کے ساتھ لائیو سامعین کا دل بہلانا جانتا تھا، فطرت کا ایک گہری مبصر جو کسی بھی قدرتی عنصر سے مجسمے بنا سکتا ہے۔‘

اداکار نے لکھا کہ ’میرے خاندان میں حقیقی فنکار، حقیقی سُپر اسٹار، وہ وہی ہیں جنہوں نے مجھے سکھایا کہ کس طرح کسی پر اپنی مرضی نافذ کیے بغیر مثال کے طور پر زندگی گزاری جائے، میرے ابو. میرے ہیرو، ایک سچا محسن۔‘

اُنہوں نے لکھا کہ ’الحمداللّہ! میرے ابو نے خوش و خرم زندگی گزاری اور میری والدہ (نگہت محسن) ساری زندگی ان کے ساتھ ہر اچھے اور بُرے وقت میں کھڑی رہیں لیکن میں نے ان کی طرف سے کبھی ایک شکایت بھی نہیں دیکھی اور نہ سنی۔‘

محب مرزا نے لکھا کہ ’جیسا کہ ہم درد میں غمگین ہیں، میں آپ سب سے درخواست کرتا ہوں کہ براہ کرم ان کی مغفرت کے لیے سورہ فاتحہ کی تلاوت کریں اور دُعا کریں کہ ان کی روح کو جنت الفردوس میں سکون عطا ہو۔‘

اداکار نے لکھا کہ ’یہ سب سے مشکل کام تھا جو میں نے کیا، غسل دینا اور پھر آپ کو مٹی میں دفن کرنا، میں آپ سے پیار کرتا ہوں، میں نے جو کچھ بھی حاصل کیا صرف آپ کی وجہ سے کیا۔‘