پی ٹی آئی کے ایم این اے نور عالم خان زیرِعتاب

20 جنوری ، 2022

اپنی حکومت پر تنقید کرنے والے ایم این اے نور عالم خان زیر ِعتاب آگئے، شوکاز نوٹس کے بعد انہیں پبلک اکاؤنٹس کمیٹی سے بھی ہٹانے کی کارروائی شروع کردی گئی ہے۔

نور عالم خان نے جوابی وار کرتے ہوئے کہا کہ وہ پی اے سی میں سرکاری افسران اور کارٹلز مافیا کی بدعنوانیوں کا مقابلہ کر رہے تھے۔

انہوں نے کہا کہ یہ وہی مافیا ہے جس کے وفادار پہلی تین قطاروں میں موجود ہیں۔

ایم این اےنور عالم خان نے مزید کہا کہ تین سال سے پارٹی اور پارلیمنٹ میں آواز بلند کررہے ہیں، جو سمجھتے ہیں ہم غلام ہیں اپنی آواز بلند نہیں کریں گے، وہ غلطی پر ہیں۔

واضح رہے کہ تحریک انصاف کے چیف وہپ عامر ڈوگر کی جانب سے اسپیکر قومی اسمبلی کو لکھے گئے خط میں نور عالم خان کی جگہ حیدر علی خان کو پی اے سی کا رکن بنانے کا کہا گیا ہے۔

قومی خبریں سے مزید