فرمان الہی
نماز کے اوقات
پاک فوج کے شعبہ تعلقات عامہ آئی ایس پی آر کا کہنا ہے کہ سیکیورٹی فورسز نے مستونگ میں خفیہ اطلاع پر آپریشن کے دوران بھارتی اسپانسرڈ 4 دہشت گرد ہلاک کردیے۔
آئی ایس پی آر کے مطابق بھارتی پراکسی تنظیم فتنہ الہندوستان کے دہشت گردوں کی موجودگی کی اطلاع پر آپریشن کیا گیا۔
سیکیورٹی فورسز نے دہشت گردوں کے ٹھکانے کو مؤثر انداز میں نشانہ بنایا، ہلاک دہشت گردوں سے بھاری مقدار میں اسلحہ، گولہ بارود اور دھماکا خیز مواد بھی برآمد کیا گیا۔
آئی ایس پی آر کا کہنا ہے کہ سیکیورٹی فورسز بھارتی سرپرستی میں دہشت گردی کا ناسور جڑ سے اکھاڑ پھینکنے کے لیے پرعزم ہیں، دہشت گردی کے مجرموں کو کیفر کردار تک پہنچایا جائے گا۔
