• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعلیٰ نے سانحۂ مری تحقیقاتی کمیٹی کی سفارشات کی منظوری دیدی

تازہ ترین
قومی خبریں
20 جنوری ، 2022


وزیراعلیٰ پنجاب عثمان بزدار نے سانحۂ مری تحقیقاتی کمیٹی کی سفارشات کی منظوری دے دی۔

ذرائع کے مطابق عثمان بزدار نے متعلقہ محکموں کو سفارشات کی روشنی میں اقدامات کا حکم دیا ہے۔

ذرائع کا کہنا ہے کہ وزیراعلیٰ پنجاب نے کمیٹی کی سفارشات پر مری کو ضلع کا درجہ دینے کی منظوری بھی دی ہے،بلدیاتی انتخابات کے بعد مری کو آئندہ مالی سال میں باضابطہ ضلع کا درجہ دیا جائے گا۔

سانحہ مری، وزیراعلیٰ بزدار نے راولپنڈی کے تمام بڑے افسر فارغ کردیئے

لاہوروزیراعلیٰ پنجاب سردار عثمان بزدارکو سانحہ...

ذرائع نے مزید بتایا کہ وزیراعلیٰ نے مری میں محکمۂ موسمیات کے دفتر کے قیام کی بھی منظوری دی ہے۔

واضح رہے کہ گزشتہ روز وزیراعلیٰ پنجاب سردار عثمان بزدارکو سانحہ مری کی تحقیقاتی رپورٹ پیش کردی گئی، 15افسروں کو عہدوں سے ہٹا دیاگیا ہے ، ان میں کمشنر راولپنڈی ،ڈپٹی کمشنر راولپنڈی، سی پی او، اے سی مری اور دیگر افسران شامل ہیں۔

قومی خبریں سے مزید