• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انار کلی میں دھماکے کے بعد بانڈز لوٹنے کی وڈیو سامنے آگئی

تازہ ترین
قومی خبریں
21 جنوری ، 2022


پنجاب کے شہر لاہور کے انار کلی بازار میں بم دھماکے کے بعد بعض افراد زخمیوں کو اٹھانے کے بجائے انعامی بانڈز لوٹتے رہے۔

گزشتہ روز لاہور کے انار کلی بازار میں ہونے والے دھماکے میں ایک بچے سمیت 3 افراد جاں بحق اور متعدد زخمی ہو ئے تھے۔

بم دھماکے کے بعد بعض افراد زخمیوں کو اٹھانے کے بجائے انعامی بانڈز لوٹتے رہے۔

لاہور دھماکےکی تفتیش، پولیس کو سراغ ملنے لگے

ذرائع کے مطابق دہشت گرد نےبیگ بینک کےسامنے رکھا اور سرکلر روڈ کی طرف فرار ہو گیا، سہولت کار بھی موقع سے بھاگ نکلے۔

دھماکے کے فوری بعد کی ویڈیو میں دیکھا جاسکتا ہے کہ 2 افراد ایک دکان کے کاؤنٹر سے بانڈز لوٹ رہے ہیں۔

دھماکے کے بعد لوٹ مار کی ایک اور ویڈیو بھی سامنے آئی ہے جس میں دیکھا جا سکتا ہے کہ کچھ افراد دھماکے کے بعد سڑک پر بکھرے بانڈز اٹھا رہے ہیں جن میں ایک خاتون بھی شامل ہیں۔

واضح رہے کہ پرائز بانڈ کی دکان کا مالک بھی دھماکے کے زخمیوں میں شامل ہے۔

قومی خبریں سے مزید