وزیراعظم کے ساتھیوں نے ٹرانسپیرنسی انٹرنیشنل کی رپورٹ تسلیم کرلی

وزیراعظم عمران خان کے ساتھیوں نے بھی ٹرانسپیرنسی انٹرنیشنل کی رپورٹ کو تسلیم کرلیا۔

ٹرانسپیرنسی رپورٹ، بھارت بھی پاکستان سے بہتر نکلا

ٹرانسپیرنسی انٹرنیشنل کی کرپشن پرسیپشن انڈکس میں بھارت بھی پاکستان سے بہتر نکلا۔

وفاقی وزیر مملکت برائے اطلاعات فرخ حبیب اور شہباز گل نے ٹرانسپیرنسی انٹرنیشنل کی کرپشن سے متعلق رپورٹ پر ردعمل دیا ہے۔

فرخ حبیب نے کہا کہ 1 رپورٹ کے باعث سی پی آئی کی ٹوٹل رینکنگ میں تنزلی ہوئی ہے، 8 میں سے 7 رپورٹس میں کوئی فرق نہیں۔

وزیر مملکت برائے اطلاعات نے حزب اختلاف کے ٹرانسپیرنسی انٹر نیشنل کی رپورٹ پر واویلے کو بلاجواز قرار دیا ہے۔

کابینہ اجلاس میں ٹرانسپیرنسی رپورٹ پر گفتگو ہوئی

وفاقی کابینہ اجلاس میں ٹرانسپیرنسی انٹرنیشنل کی پاکستان سے متعلق رپورٹ پر گفتگو ہوئی۔

انہوں نے مزید کہا کہ قانون کی حکمرانی کی راہ میں سب سے بڑی رکاوٹ اپوزیشن کا یہ ٹولہ ہے، اس ٹولے نے لوٹ مار کی اور پورے نظام کو کرپٹ کیا۔

وزیراعظم عمران خان کے معاون خصوصی شہباز گل نے کہا کہ ٹرانسپیریسی انٹرنیشنل اس وقت اچھی رپورٹ دے رہا تھا، جب شہباز شریف کا چپڑاسی 9000 روپے کی تنخواہ ہونے کے باوجود اکاؤنٹ میں 4 ارب جمع کررہا تھا۔