میاں محمد منشا کی حکومت کو بھارت سے تعلقات ٹھیک کرنے کی تجویز

معروف کاروباری شخصیت میاں محمد منشا نے حکومت پاکستان کو بھارت سے تعلقات ٹھیک کرنے کی تجویز دے دی۔

لاہور میں میڈیا سے گفتگو میں میاں محمد منشا نے کہا کہ مستقل دشمنی کبھی نہیں ہوتی ہے، دنیا نے 2 بڑی جنگیں لڑیں اور بالآخر امن کے راستے پر آگئیں۔

انہوں نے کہا کہ ہمیں بھی بھارت سے تعلقات ٹھیک کرکے تجارت پر کام کرنا چاہیے، انہیں علم ہے بھارت سے پس پردہ بات چل رہی ہے۔

نیب نے میرشکیل الرحمٰن کو بےبنیاد مقدمے میں 8 ماہ زیرِحراست رکھا، میاں منشا

معروف صنعتکار اور بینکار میاں محمد منشا نے قومی احتساب بیورو ( نیب) کے تذکرے میں میر شکیل الرحمٰن کی مثال دی۔

معروف کاروباری شخصیت نے مزید کہا کہ پاکستان اور بھارت کو غربت کا مقابلہ کرنے کے لیے آگے بڑھنا ہوگا۔

اُن کا کہنا تھا کہ اگر معاملات ٹھیک ہوجائیں تو مودی کو پاکستان کا دورہ کرنے میں ایک مہینہ نہیں لگے گا۔

وزیراعظم سے معروف صنعت کاروں اور تاجروں کے وفد کی ملاقات

وزیراعظم عمران خان نے اسلام آباد میں معروف صنعت کاروں اور تاجروں کے وفد سے ملاقات کی ہے۔

میاں محمد منشا نے یہ بھی کہا کہ کرپٹ کرپٹ کی گردان چھوڑ کر ملک کو بچانا ہوگا، معیشت ٹھیک نہ ہوئی تو خدانخواستہ ایک اور بنگلہ دیش بن جائے گا۔

انہوں نے کہا کہ قومی احتساب بیورو (نیب) روز کسی نہ کسی کی پگڑی اچھال رہا ہوتا ہے، نیب کو بند کردینا چاہیے۔