فرمان الہی
نماز کے اوقات
پاکستان سپر لیگ (پی ایس ایل) سیزن سیون میں سنسنی خیز مقابلوں کا سلسلہ جاری ہے، ایونٹ میں آج ایک میچ کھیلا جائے گا۔
نیشنل اسٹیڈیم کراچی میں ہونے والے میچ میں کراچی کنگز اور اسلام آباد یونائیٹڈ آمنے سامنے ہوں گی۔
آج کھیلے جانے والا میچ پاکستانی وقت کے مطابق شام ساڑھے 7 بجے شروع ہوگا۔
اسلام آباد یونائیٹڈ اور کراچی کنگز نے اب تک ایونٹ میں 4,4 میچز کھیل لئے ہیں، اسلام آباد نے 2 میچوں میں کامیابی حاصل کی ہے جبکہ کراچی ایونٹ میں اب تک کوئی میچ نہیں جیت سکی ہے۔
ایچ بی ایل پی ایس ایل میں اب تک کھیلے گئے میچز میں ملتان سلطانز 5 میچز جیتنے کے بعد 10 پوائنٹس کے ساتھ سرفہرست ہے، لاہور قلندرز نے 3 ، پشاور زلمی 2 اور کوئٹہ گلیڈی ایٹرز نے ایک میچ جیتا ہے۔
گزشتہ روز کھیلے گئے پہلے میچ میں لاہور قلندرز نے اسلام آباد یونائیٹڈ کو 8 رنز سے شکست دی تھی جبکہ دوسرے میچ میں دفاعی چیمپئن ملتان سلطانز نے پشاور زلمی کو 57 رنز سے مات دی تھی۔
خیال رہے کہ 27 جنوری سے شروع ہوئے پی ایس ایل 7 کا فائنل 27 فروری کو کھیلا جائے گا، ایونٹ میں ملتان سلطانز اپنے اعزاز کا دفاع کر رہی ہے۔
