• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میرپور خاص: مغوری خواتین بازیاب، 2 ملزمان گرفتار


میرپور خاص کے علاقے نوکوٹ میں مسلح افراد نے گھر پرحملہ کرکے دو خواتین کو اغوا کرلیا، ملزمان کی گرفتاری کے لیے مقامی خواتین  نے نوکوٹ روڈ پر احتجاج کیا۔

بعد ازاں پولیس نے گزشتہ رات گھر سے اغواء کی جانے والی خواتین کو  بازیاب کرکے دو ملزمان کو گرفتار کرلیا ہے، جبکہ پولیس نے دونوں خواتین کو میڈیکل ٹیسٹ کے لئے نوکوٹ اسپتال منتقل کردیا۔

پولیس کے مطابق تھانے منتقلی کے دوران ملزمان اور خواتین کے رشتہ دار میں ہاتھا پائی بھی ہوئی، مبینہ طور پر رشتے کے تنازعہ پر گزشتہ رات گاؤں سولہ میل موری میں خواتین کے اغواء کا واقعہ پیش آیا تھا۔

ملزمان نے دونوں خواتین کو گھر پر حملہ کرکے اغواء کیا تھا، جس کے بعد واقعہ کے خلاف مقامی خواتین نے نوکوٹ روڈ پر دھرنا دے کر اور ٹائر جلاکر ٹریفک معطل کردیا تھا۔

قومی خبریں سے مزید