خاتون کے سر سے کیل نکالنے والے اسپتال میں علاج کا ریکارڈ نہیں

پشاور کے لیڈی ریڈنگ اسپتال (ایل آر ایچ) میں خاتون کے سر سے کیل نکالی گئی لیکن اُس کے علاج کا کوئی ریکارڈ نہیں ہے۔

جعلی عامل کے کہنے پر بیٹے کی خواہش میں حاملہ خاتون نے سر میں کیل ٹھکوائی، جو ایل آر ایچ پشاور میں سرجری کے ذریعے نکالی گئی۔

تاہم علاج کے لیے آنے والی خاتون کا اسپتال میں کوئی ریکارڈ ہی موجود نہیں ہے جبکہ ڈاکٹر کیل نکالنے کی سرجری کرنے کی تصدیق کررہے ہیں۔

پشاور: جعلی عامل کے کہنے پر خاتون کے سر میں کیل ٹھونک دی گئی

پشاور میں جعلی عامل کے کہنے پر خاتون کے سر میں کیل ٹھونک دی گئی۔

دوسری طرف پولیس نے خاتون اور جعلی عامل کے حوالے سے تحقیقات شروع کردی ہیں۔

لیڈی ریڈنگ اسپتال میں سرجری کے ذریعے خاتون کے سر سے کیل نکالنے والے ڈاکٹر حیدر کے مطابق خاتون کے سر میں گہری چوٹ تھی اور اس کے سر میں موجود کیل کو سرجری کرکے نکال دیا گیا۔

پشاور: سر سے کیل نکال گئی، خاتون اسپتال سے ڈسچارج

لیڈی ریڈنگ اسپتال (ایل آر ایچ) نے آپریشن کے ذریعے سر سے کیل نکال کر مریضہ کو ڈسچارج کردیا۔

ڈاکٹر حیدر کا کہنا تھا کہ خاتون حاملہ تھی، جس نے بتایا کہ اسے بیٹے کی خواہش تھی، عامل نے اسے سر میں کیل ٹھوکنے کا کہا تھا۔

ڈاکٹر کو خاتون نے یہ بھی بتایا کہ اس کے شوہر کو بیٹیاں پسند نہیں ہیں۔

ترجمان لیڈی ریڈنگ اسپتال کے مطابق چند روز قبل خاتون کو اسپتال لایا گیا تھا خاتون کے سر میں کیل دھنسی ہوئی تھی، جسے ڈاکٹروں نے آپریشن کے ذریعے نکال کر مریضہ کو اسپتال سے ڈسچارج کردیا۔

خاتون کے سر میں کیل ٹھوکنے کا واقعہ، ماہر نفسیات کی رائے

پشاور میں جعلی عامل کے کہنے پر خاتون کے سر میں کیل ٹھوکنے کے واقعے پر ماہر نفسیات کی رائے بھی سامنے آگئی۔

اسپتال ترجمان کے مطابق اسپتال انتظامیہ کے پاس مریضہ کا کوئی ریکارڈ موجود نہیں۔

دوسری جانب سی سی پی او پشاور عباس احسن نے معاملے کا نوٹس لیتے ہوئے ایس پی سٹی عتیق شاہ کو خاتون اور جعلی عامل کا سراغ لگانے کی ہدایت کی ہے ۔

سی سی پی او کا کہنا ہے کہ ایل آر ایچ انتظامیہ کے مطابق خاتون کو چند روز قبل طبی امداد کے لیے اسپتال لایا گیا تھا۔

اسپتال میں سرجن ڈاکٹر عاصم نے خاتون کو طبی امداد فراہم کی، تاہم اسپتال انتظامیہ نے پولیس کو واقعہ سے لاعلم رکھا، سوشل میڈیا کے ذریعے خبر وائرل ہونے پر انکوائری کی ہدایت کی گئی ہے۔

سی سی پی او عباس احسن کا کہنا ہے کہ جلد اصل ملزم کا سراغ لگا کر اسے گرفتار کرلیا جائے گا۔