غلام نبی میمن ایک بار پھر ایڈیشنل IG کراچی تعینات

11 فروری ، 2022

پولیس سروس آف پاکستان کے گریڈ 21 کے سینئر افسر غلام نبی میمن کو ایک بار پھر ایڈیشنل آئی جی کراچی کے عہدے پر تعینات کر دیا گیا ہے۔

چیف سیکریٹری سندھ نے غلام نبی میمن کی بطور ایڈیشنل آئی جی کراچی تعیناتی کا نوٹیفکیشن بھی جاری کر دیا۔

غلام نبی میمن گزشتہ سال بھی کراچی پولیس چیف رہے جنہیں تبادلہ کر کے ایڈیشنل آئی جی اسپیشل برانچ مقرر کر دیا گیا تھا۔

موجودہ کراچی پولیس چیف عمران یعقوب منہاس کو تبادلہ کر کے ایڈیشنل آئی جی کاؤنٹر ٹیرر ازم ڈپارٹمنٹ تعینات کیا گیا ہے۔

ایڈیشنل آئی جی سی ٹی ڈی کے عہدے پر تعینات اللہ بخش عرف جاوید اختر اوڈھو کو تبادلہ کر کے ایڈیشنل آئی جی اسپیشل برانچ تعینات کیا گیا ہے۔

قومی خبریں سے مزید

پاکستان سے اسمگلنگ کے جڑ سے خاتمے کا پختہ عزم رکھتا ہوں، وزیراعظم