فرمان الہی
نماز کے اوقات
کراچی (جنگ نیوز) انتہائی طویل انتظار کے بعد بالآخر ایکشن، کامیڈی، تھرل اور رومانس سے بھر پور فلم ”عشرت میڈ اِن چائنا“ کی پہلی جھلک ریلیز کردی گئی ہے۔ ”جیوفلمز“ کے بینر تلے مینٹریو(Mintrioٌ) کی پیشکش کو تین مارچ سے ملک بھر کے سینما گھروں میں نمائش کیلئے پیش کیا جائے گا۔ فلم کے مختصر ٹریلر کو دیکھ کر یوں لگتا ہے کہ اس میں عوام کی دلچسپی کا ہر سامان موجود ہے، فلم کی کہانی میں ایکشن، سسپنس اور مصالحے کے ساتھ ممکنہ طور پر آئٹم سانگ بھی رکھا گیا ہے۔ پاکستان کی شوبز انڈسٹری کے معروف اداکار محب مرزا اس فلم کے مرکزی کردار ہیں ، محب مرزا اس فلم کے ذریعے اپنی ہدایتکاری کا آغاز بھی کررہے ہیں۔ دوسری طرف معروف فیشن ڈیزائنر حسن شہریار یاسین (ایچ ایس وائے) بھی اس فلم کے ذریعے فلمی دُنیا میں اپنا پہلا قدم رکھیں گے۔ شوبز انڈسٹری کی معروف اداکارہ صنم سعید ہیروئن کا کردار نبھاتی نظر آئیں گی۔ فلم کی شوٹنگ چین کی بجائے تھائی لینڈ کے خوبصورت مقامات پر کی گئی ہے۔ دبنگ فلم کے ساؤنڈ ٹریک کو سیماب سین، سمیع خان، شانی حیدر اور طلحہ ڈار نے کمپوز کیا ہے۔ فلم کی دیگر کاسٹ میں سارہ لورین، شمعون عباسی، علی کاظمی، مانی، شبیر جان، نیر اعجاز، امام سید اور مصطفی چوہدری بھی شامل ہیں۔
