فرمان الہی
نماز کے اوقات
کراچی (جنگ نیوز)جیوفلمز ”عشرت میڈ اِن چائنا“کا گیت آتے ہی چھا گیا ،فلم کل ریلیز ہوگی، ایڈوانس بکنگ شروع،تفصیلات کے مطابق ایکشن، کامیڈی، تھرل اور رومانس سے بھر پور فلم ”عشرت میڈ اِن چائنا“ کا گیت ”عشرت آیا رے“ ریلیز کردیا گیا ہے۔ فلم کے مرکزی کردار محب مرزا اور صنم سعید پر فلمائے گئے گیت نے منظر عام پر آتے ہی دھوم مچادی ہے۔ شاندار میوزک پر عکس بند کیا گیا یہ دیسی ریپ سانگ ہے جسے نوجوانوں میں بے حد پسند کیا جارہا ہے۔ گیت کے لیئرکس احمد مرتضیٰ نے لکھے ہیں جو تفریح سے بھر پور ہیں۔ گیت کی کمپوزیشن طلحہ ڈار نے کی ہے جو سننے والوں کو مزید پُر جوش بنا رہی ہے۔ ”جیوفلمز“ کے بینر تلے مینٹریو کی پیشکش ”عشرت میڈ اِن چائنا“ 3 مارچ سے نمائش کیلئے پیش کی جارہی ہے۔ فلم کیلئے ایڈوانس بکنگ کا سلسلہ بھی شروع ہوگیا ہے۔ ملک بھر کے مختلف سنیما گھروں کے باہر فلم دیکھنے کیلئے بے قرار نوجوان شائقین کا رَش نظر آرہا ہے۔ معروف اداکار محب مرزا کی ڈائریکشن میں تخلیق کی گئی اس فلم میں صنم سعید ہیروئن کا کردار نبھا رہی ہیں جبکہ دیگر کاسٹ میں سارہ لورین، شمعون عباسی، علی کاظمی، مانی، شبیر جان، نیر اعجاز، امام سید اور مصطفی چوہدری بھی شامل ہیں۔
