• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

”عشرت میڈ اِن چائنا“ کا ستاروں بھرا پریمیئر، فلم آج ریلیز

آج کا اخبار
اہم خبریں
03 مارچ ، 2022
کراچی (جنگ نیوز)انتظار کی گھڑیاں ختم!! عوام کے چہروں پر خوشیاں بکھیرنے کیلئے تخلیق کی گئی جیوفلمز”عشرت میڈ اِن چائنا“ کا کراچی کے مقامی سنیما گھر میں رنگا رنگ پریمیئر ہوا جس میں فلم کی کاسٹ اور ٹیم سمیت شوبز ستاروں نے بھر پور شرکت کی۔ مینٹریو(Mintrio) کی پیشکش 3مارچ سے ملک بھر نمائش کیلئے پیش کی جارہی ہے۔ فلم کے گانوں نے پہلے ہی سوشل میڈیا پر دھوم مچا رکھی ہے۔ ریڈ کارپٹ پر فلم کے مرکزی اداکار و ہدایتکار محب مرزا، فلم کی ہیروئین صنم سعید، اداکارہ سارہ لورین، معروف فیشن ڈیزائنر اور فلم کے اہم کردار حسن شہریار یاسین (ایچ ایس وائی)،معروف اداکار شمعون عباسی، علی کاظمی، مانی، شبیر جان، نیئر اعجاز، امام سید اور مصطفی چوہدری کے علاوہ احمد حسن، پروین اکبر، شائستہ لودھی، نادیہ حسین، یاسر نواز، ندا یاسر، ٹیپو، محسن جعفری، فیروز خان، رفیق چوہدری، وجاہت رؤف اور دیگر بے شمار فنکار وں نے اس تقریب میں شرکت کرکے رونق بکھیر دی۔ پریمیئر کے بعد فلم کی کاسٹ سمیت شوبز ستارے بھی خوشگوار اور پُر اعتماد نظر آئے۔ فلم دیکھ کر آنے والوں کے چہروں پر مسکراہٹیں بکھری ہوئی تھی۔ فلم دیکھ کر لوٹنے والوں نے اسے ایکشن، تفریح اور مصالحے سے بھر پور اور پیسہ وصول فلم قرار دیا۔ اس سے قبل ہال میں تالیوں کی گونج، سیٹیوں کے شور اور اداکاروں کی بہترین پرفارمنس پر وقفے وقفے سے داد دینے کا سلسلہ بھی جاری رہا۔ شرکاء کا مشترکہ طور پر کہنا تھا کہ ”جیوفلمز“ ایک بار پھر عوام کوفلم کا شاندار تحفہ دینے میں کامیاب رہا ہے۔
اہم خبریں سے مزید