تربوز کے بیجوں میں ’حُسن‘ اور ’صحت‘ دونوں کا راز

11 مارچ ، 2022

تربوز کے بیج، بیجوں کی سب سے زیادہ غذائیت سے بھرپور اقسام میں سے ایک ہیں۔ یہ پروٹین، وٹامنز، اومیگا 3 اور اومیگا 6 فیٹی ایسڈز، میگنیشیم، زنک، کاپر، پوٹاشیم اور بہت کچھسی غذائی اجزاء کا بھرپور ذریعہ ہیں۔

تربوز کے بیجوں کو تھوکنا، نکالنا یا پھینکنا اس پھل کی غذائیت کو کم کرنے کا ایک طریقہ ہے۔ جی ہاں، تربوز کے سیاہ بیج مزیدار اور صحت بخش کا مجموعہ ہیں اور آپ کے لیے بہترین ناشتہ ہو سکتے ہیں۔ آپ کو بس تربوز کے کچھ بیج خشک کرکے بھوننے کی ضرورت ہے اور آپ کا ناشتہ تیار ہے۔

اگرچہ یہ بیج کیلوریز میں زیادہ ہیں، لہٰذا آپ کو اپنے وزن کے حساب سے تربوز کے بیج کھانے کا اتنخاب کرنا چاہیے کیونکہ ایک کپ بُھنے ہوئے تربوز کے بیجوں میں تقریباً 600 کیلوریز ہوتی ہیں۔

آئیے تربوز کے بیجوں کے کرشماتی فوائد پر ایک نظر ڈالتے ہیں:

جِلد کیلئے مفید:

بُھنے ہوئے تربوز کے بیجوں کا ناشتہ کرنا آپ کی جِلد کے لیے بہت فائدہ مند ثابت ہو سکتا ہے۔ یہ مہاسوں کے پھیلنے سے روکتا ہے، آپ کی جِلد کو نمی بخشتا ہے اور عمر بڑھنے کی ابتدائی علامات کو بھی روکتا ہے۔

ان بیجوں کے باقاعدگی سے استعمال سے جِلد کی لچک برقرار رہتی ہے اور یہی ایک وجہ ہے کہ تربوز کے بیجوں کا باقاعدگی سے استعمال کرنا چاہیے۔ ان بیجوں کا تیل اپنے چہرے پر لگائیں تاکہ آپ کیل مہاسوں اور ایکنی سے دور رہ سکیں۔

بالوں کی نشونما میں مفید:

پروٹین، آئرن، میگنیشیم اور کاپر آپ کے بالوں کے لیے سب سے اہم غذائی اجزاء ہیں۔ انہیں اپنے بالوں پر باقاعدگی سے لگانے سے آپ کے بالوں کے لیے بہت سارے فوائد ہوسکتے ہیں، خاص طور پر جب آپ بالوں کے پتلے ہونے اور گِرنے کے مسائل سے نمٹ رہے ہوں۔

پروٹین بالوں کی نشوونما کو بڑھاتا ہے، میگنیشیم ٹوٹنے سے روکتا ہے جبکہ کاپر میلانین کی پیداوار کو بڑھاتا ہے جو آپ کے بالوں کو سلکی اور متحرک رکھتا ہے۔

بلڈ شوگر کنٹرول کرتے ہیں:

تربوز کے بیج خون میں شوگر کے بہتر کنٹرول اور جسم میں انسولین کے خلاف مزاحمت کو کم کرنے سے منسلک ہوتے ہیں۔ یہ ذیابیطس کے مریضوں کی صحت کے لیے بہت ضروری ہے۔ ذیابیطس کے مریضوں کی بنیادی تشویش خون میں شوگر کی سطح کو کنٹرول کرنا ہے اور تربوز کے بیج اس کے لیے مددگار ثابت ہوتے ہیں۔

جسم میں توانائی کی سطح کو بڑھاتے ہیں:

تربوز کے بیجوں میں کیلوریز زیادہ ہوتی ہیں اور معلوم ہوا ہے کہ تربوز کے بیجوں سے آنے والی زیادہ تر کیلوریز صحت مند فیٹی ایسڈز سے آتی ہیں۔ تربوز کے بیجوں کا ایک کپ آپ کے میٹابولزم کو وہ توانائی دیتا ہے جس کی اسے ضرورت ہوتی ہے۔

صحت سے مزید