شہباز گل نے رمیش کمار سے متعلق الفاظ پر معافی مانگ لی

وزیر اعظم عمران خان کے معاون خصوصی شہباز گل نے رمیش کمار سے متعلق ٹی وی پر کہے گئے اپنے الفاظ پر معافی مانگ لی۔

سندھ ہاؤس پر دھاوا، پی ٹی آئی ایم این ایز کی گرفتاری و رہائی

وفاقی دارالحکومت اسلام آباد میں پی ٹی آئی کے کارکنان لوٹے لے کر سندھ ہاؤس پہنچے اور سندھ ہاؤس کے قریب ریڈ زون میں داخل ہوگئے۔

اسلام آباد میں میڈیا سے گفتگو کے دوران شہباز گل نے کہا کہ میں معذرت کرتا ہوں رمیش کمار سے متعلق اپنے الفاظ واپس لیتا ہوں، رمیش کمار جو حرکتیں کررہا ہے اس پر کوئی بات نہیں کررہا، یہی الفاظ اگر انگریزی میں کہہ دیے جائیں تو کوئی اعتراض نہیں کرتا۔

سندھ ہاؤس پرحملےمیں گرفتارایم این ایزشخصی ضمانت پررہا

شہباز گل نے کہا کہ جو لوگ عمران خان کےنام پر ووٹ لے کر آئے، وہ بکتے ہیں تو عوام ردعمل دیں گے، جو آگ انہوں نے لگائی ہے وہ آگ تو پھیلے گی۔

شہباز گل نے کہا کہ 2018 میں راجہ ریاض کو جب ٹکٹ دیا گیا میں بنی گالہ میں موجود تھا، راجہ ریاض نے بس عمران خان کے پاؤں نہیں پکڑے تھے باقی سارے کام کیے تھے۔

معاون خصوصی نے کہا کہ راجہ ریاض کی کیا حیثیت تھی، اس کو عمران خان کے نام پر ووٹ ملے، اپنے ورکرز اور عوام سے کہتے ہیں قانون کے دائرے میں رہ کر احتجاج کرنا ہے۔

شہباز گل نے کہا کہ گرفتار ارکان اسمبلی کو شخصی ضمانت پر رہا کروایا گیا ہے، قانون پر مکمل عمل درآمد ہوگا کارکنوں کو قانونی طریقے سے رہا کروایا جائے گا۔

معاون خصوصی نے کہا کہ توڑ پھوڑ نہیں ہونی چاہیے، اگر ہمارے کارکنوں نے کی ہے تو تنبیہ کی جائے گی، ہم حکومت میں ہیں ہم نے ہرصورت قانون پر عمل کرنا ہے۔