فرمان الہی
نماز کے اوقات
پاکستان کرکٹ ٹیم کے سابق ٹیسٹ کرکٹر اور مایہ ناز بلے باز محمد یوسف کی بیٹی کی شادی پر مریم نواز کی جانب سے مبارکباد دی گئی ہے۔
محمد یوسف نے بیٹی کے ہمراہ اپنی تصویر شیئر کی ہے، جس میں وہ اپنی صاحبزادی کے سر پر ہاتھ رکھے ہوئے ہیں۔
سابق ٹیسٹ کرکٹر نے اپنے پیغام میں ایک نظم بھی تحریر کی ہے۔
میری گڑیا تری رخصت کا دن بھی آ گیا آخر
سمٹ آیا ہے آنکھوں میں تیرا بیتا ہوا بچپن
ابھی کل کی ہی باتیں ہیں تو اک ننھی سی گڑیا تھی
میرے آنگن میں ٹھہریں گی تری یادیں تری باتیں
لو مبارک ہو تمہیں وقت سفر اب، الوداع
جاؤ بابل کے نگر سے اپنے گھر، الوداع
اے مری دختر مری نورِ نظر اب الوداع
اس خوبصورت ٹوئٹ پر ردّعمل دیتے ہوئے مسلم لیگ نون کی نائب صدر مریم نواز نے کہا کہ اللّہ تعالی بیٹی کو خوشیوں والی زندگی عطا فرمائے، آمین۔
واضح رہے کہ محمد یوسف کی بیٹی کی شادی کے موقع پر ٹیم کے کھلاڑیوں سمیت مداحوں کی جانب سے بھی مبارکباد دینے کا سلسلہ جاری ہے۔
