• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پرویز الہٰی نے آئین و قانون کی دھجیاں اڑائیں: حمزہ شہباز

تازہ ترین
قومی خبریں
30 اپریل ، 2022
پرویز الہٰی نے آئین و قانون کی دھجیاں اڑائیں: حمزہ شہباز

نو منتخب وزیرِ اعلیٰ پنجاب حمزہ شہباز شریف نے کہا ہے کہ پرویز الہٰی نے آئین اور قانون کی دھجیاں اڑائیں۔

میڈیا سے گفتگو کے دوران نو منتخب وزیرِ اعلیٰ پنجاب حمزہ شہباز شریف نے یہ بات کہی ہے۔

انہوں نے کہا کہ پنجاب اسمبلی میں تماشہ لگایا گیا،پاکستان تحریکِ انصاف کے گورنر نے ہائی کورٹ کے فیصلوں کا مذاق اڑایا۔

حمزہ شہباز نے پنجاب کی وزارتِ اعلیٰ کا حلف اٹھا لیا، گارڈ آف آنر پیش

شہباز شریف تقریبِ حلف برداری میں گاڑی خود ڈرائیو کر کے پہنچے، مریم نواز ان کے ہمراہ تھیں۔

وزیرِ اعلیٰ پنجاب حمزہ شہباز شریف کا یہ بھی کہنا ہے کہ اللّٰہ تعالیٰ کے شکر گزار ہیں، میں مسلم لیگ ن کا کارکن ہوں ، پنجاب ایک مہینے سے آئینی بحران کا شکار تھا۔

اس سے قبل نو منتخب وزیرِ اعلیٰ پنجاب حمزہ شہباز وزیرِ اعلیٰ آفس پہنچے، جہاں انہیں گارڈ آف آنر پیش کیا گیا۔

وزیرِ اعلیٰ حمزہ شہباز کو پولیس کے دستے نے سلامی پیش کی،انہوں نے گارڈ آف آنر کا معائنہ کیا۔

وزیرِ اعلیٰ حمزہ شہباز نے وزیرِ اعلیٰ آفس کے افسروں اور عملے سے ملاقات کی اور انہیں محنت سے فرائض انجام دینے کی ہدایت کی۔

حمزہ شہباز نے ان سے گفتگو میں کہا کہ پولیس اور انتظامیہ کو مربوط انداز میں فرائض انجام دینا ہوں گے، عوام کو اچھی خدمات کی فراہمی ہر صورت یقینی بنائی جائے گی۔

ان کا یہ بھی کہنا ہے کہ یہ وقت محنت کر کے عوام کو ڈیلیور کرنے کا ہے، عام آدمی کی زندگیوں میں آسانی کے لیے نئے عزم اور جذبے سے کام کرنا ہو گا۔

قومی خبریں سے مزید