پنجاب کے شہر ننکانہ صاحب میں رائس ایکسپورٹر کو برہنہ کر کے تشدد کیا گیا، ملزمان بھتہ بھی مانگتے رہے۔ واقعے کی ویڈیو جیو نیوزنے حاصل کر لی۔
ننکانہ صاحب پولیس ترجمان کے مطابق تاجر ذوالفقار پر تشدد اور ویڈیو بنانے کے کیس میں اطلاع ملتے ہی ایف آئی آر درج کر لی گئی تھی۔
ننکانہ پولیس نے ویڈیو میں نظر آنے والے 5 میں سے 4 ملزمان کو گرفتار کرلیا ہے، مقدمے میں نامزد پانچویں ملزم نے عدالت سے حفاظتی ضمانت کروالی ہے۔
فوٹیج میں دیکھا جا سکتا ہے کہ چاول کے تاجر ذوالفقار کو ملزم اصغر سمیت 11 افراد برہنہ کرکے تشدد کرتے رہے۔ ملزمان کو تشدد کے ساتھ ہوائی فائرنگ کرتے بھی دیکھا جا سکتا ہے۔