• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ٹی آئی فنڈنگ کیس کا فیصلہ 30 دن میں کرنے کا حکم کالعدم قرار، تحریری فیصلہ جاری

فوٹو: فائل
فوٹو: فائل

اسلام آباد ہائی کورٹ نے پاکستان تحریک انصاف (پی ٹی آئی) ممنوعہ فنڈنگ کیس کا فیصلہ 30 دن میں کرنے کا سنگل بینچ کا فیصلہ کالعدم قرار دینے کا تحریری فیصلہ جاری کردیا۔ 

تحریری فیصلے کے مطابق عدالت نے قرار دیا کہ الیکشن کمیشن آف پاکستان (ای سی پی) پر شک کی کوئی گنجائش نہیں کہ تمام جماعتوں سے یکساں برتاؤ کیا جائے گا۔

عدالتی فیصلے میں کہا گیا کہ توقع ہے الیکشن کمیشن تمام جماعتوں کے کیسز مناسب وقت میں نمٹائے گا، الیکشن کمیشن باقی جماعتوں کے خلاف کارروائی بھی مناسب وقت میں مکمل کرے گا۔

اسلام آباد ہائی کورٹ نے فیصلے میں کہا کہ عدالت امید کرتی ہے کارروائی شفاف انداز میں آگے بڑھائی جائے گی۔

عدالت عالیہ نے فیصلے میں ریمارکس دیے کہ الیکشن کمیشن نے ابھی تک کوئی آرڈر پاس نہیں کیا، کمیشن نے یقین دلایا کہ سیاسی جماعتوں کے خلاف بلاتفریق کارروائی ہوگی۔

اس میں یہ بھی کہا گیا کہ ریکارڈ پر ایسا کچھ نہیں ہے جس سے ظاہر ہو کہ اپیل کنندہ سے مختلف سلوک کیا گیا، یہ مناسب نہیں ہوگا کہ عدالت غیر مصدقہ خدشات پر کمیشن کو ہدایت دے۔

قومی خبریں سے مزید