فرمان الہی
نماز کے اوقات
کراچی‘لاہور(اسٹاف رپورٹر‘نمائندگان ) تحریک انصاف کے چیئرمین عمران خان کی کال پر کراچی ‘حیدرآباد‘لاہور‘اسلام آباد‘پنڈی ‘فیصل آباد ‘ ملتان ‘سیالکوٹ سمیت ملک کےمختلف شہروں میں پی ٹی آئی کارکنوں کا احتجاجی مظاہرے ‘ریلیاں ‘ نعرے لگائے‘شہرقائد میں نرسری کے قریب رات گئے تک پی ٹی آئی کا احتجاج جاری تھا ‘شارع فیصل کے دونوں ٹریک پر ایک ایک لائن آمدورفت کے لیے کھول دی گئی۔ شہر سے ایئرپورٹ کی طرف اور ایئرپورٹ سے شہر کی طرف گاڑیوں کی آمدورفت بحال کردی گئی۔لاہورمیں سپریم کورٹ رجسٹری کےباہرپی ٹی آئی اورق لیگ کےکارکنوں نےنعرے بازی کی اورسپریم کورٹ رجسٹری کی دیواروں پرچڑھ گئے،پی ٹی آئی کی جانب سےلبرٹی چوک میں احتجاج کیاگیا،اسلام آبادمیں پی ٹی آئی کارکن ڈی چوک پرجمع ہوگئے ، ایف نائن پارک پراحتجاج میں خواتین بھی شریک ہوئیں، راولپنڈی میں چاندنی چوک پرپی ٹی آئی نےاحتجاج کیامظاہرین نےڈپٹی اسپیکر رولنگ کےخلاف نعرے بازی کی،فیصل آبادمیں گھنٹہ گھرچوک ،ملتان پاک پتن میں بھی پی ٹی آئی کارکنوں نےاحتجاج کیا،راولپنڈی میں ق لیگ کے عہدیداروں نےپارٹی سیکرٹریٹ میں نصب شجاعت کی تصاویر اتار دیںاورشدیداحتجاج کیا، سیالکوٹ میں پی ٹی آئی کارکنوں نےپیرس روڈ سے علامہ اقبال چوک تک احتجاجی ریلی نکالی،کراچی میں بھی پی ٹی آئی کارکنوں نےتین ہٹی چوک پراحتجاج کیا،حیدرآبادمیں پی ٹی آئی کارکنوں کادھرنا،حیدر چوک پر پی ٹی آئی اور پیپلز پارٹی کے کارکنان آمنے سامنےآگئے،پی ٹی آئی کارکنوں نےپیپلزپارٹی کےکارکن کی گاڑی کاگھیرائو کرلیا۔ کوئٹہ میں منان چوک پرپی ٹی آئی کارکنوں نےڈپٹی اسپیکرپنجاب اسمبلی کےخلاف نعرے بازی کی۔
