فرمان الہی
نماز کے اوقات
رہنما پی ٹی آئی اسد عمر کا کہنا ہے کہ شہباز گِل پر تشدد کرکے عمران خان کے خلاف بیان لینے کی کوشش کی جارہی ہے۔
اڈیالہ جیل کے باہر میڈیا سے گفتگو کرتے ہوئے پی ٹی آئی رہنما اسد عمر نے بتایا کہ شہباز گِل سے ملاقات ہوئی ہے، وہ ٹھیک ہیں، انہیں بتایا کہ پارٹی لیڈر اور ورکر اُن کے ساتھ کھڑے ہیں۔
اسد عمر کا کہنا تھا کہ شہباز گِل اسلام آباد پولیس کی کسٹڈی میں تھے تو ان پر تشدد کیا گیا،اُن پر جس بیان پر مقدمہ بنایا گیا ہے وہ براہ راست نشر ہوا ہے۔
پی ٹی آئی رہنما کا کہنا تھا کہ فون کا بہانہ بنایا جا رہا ہے، فون تو اُسی دن پولیس نے لے لیے تھے۔
اسد عمر نے بتایا کہ شہباز گِل سے عمران خان کے خلاف بات نکلوانے کیلئے ریمانڈ مانگا جا رہا ہے۔
انہوں نے مزید کہا کہ عمران خان ہمیشہ قانون کی بالادستی اور حکمرانی کی بات کرتے ہیں۔
