لائیو کانسرٹ میں حرا مانی کی بے عزتی، مانی اہلیہ کی حمایت میں سامنے آگئے

18 اگست ، 2022

پاکستان شوبز انڈسٹری سے وابستہ اداکار و میزبان مانی (سلمان شیخ) اپنی اہلیہ اداکارہ حرامانی کی حمایت میں سامنے آگئے۔

مانی نے فوٹو اینڈ ویڈیو شیئرنگ پلیٹ فارم انسٹاگرام پر ایک سے زائد اسٹوریز اپ لوڈ کی ہیں جن میں انہوں نے اظہار کیا ہے کہ انہیں حرا پر فخر ہے جس نے لندن میں دس ہزار حاضرین کے سامنے پرفارم کیا، اللہ جسے چاہے عزت دے۔

انہوں نے انسٹا اسٹوری میں ویڈیو شیئر کی جس میں سوشل میڈیا پر ٹرولنگ کرنے والوں کو مخاطب کرتے ہوئے کہا کہ ’’ہوشیاروں کیسے ہو؟ ہم اس وقت لندن میں بیٹھے ہوئے ہیں، جو کرنا ہے کرلو، تم لوگ کچھ نہیں کرسکتے اس لیے خوش رہو، ہمیں پھر بھی آپ سب سے محبت ہے جو کرنا ہے کرتے رہو‘‘۔

ایک اور انسٹا اسٹوری میں انہوں نے لکھا کہ ساری توجہ ہم ہی لے گئے، بھائی ، اس رات باقی لوگ بھی آئے تھے۔ ہمیں تنقید کرنے والوں سے پیار ہے جن کی وجہ سے ہم مزید محنت کرتے ہیں‘‘۔